Mustaqilligimizning 35 yilligi munosabati bilan yurtimiz bo‘ylab xalqimizni birlashtiruvchi, milliy qadriyatlarimizni ulug‘lovchi bayram tadbirlari davom etmoqda.
Qumqo‘rg‘on tumanida “Yagona Vatan, yagona xalq bo‘lib, yangi hayot va kelajak yaratamiz” g‘oyasi asosida tashkil etilayotgan madaniy-ma’rifiy kechalar ana shu ezgu maqsadlarga xizmat qilmoqda.
69-sonli “Yangi O‘zbekiston” Madaniyat markazida o‘tkazilgan navbatdagi bayram tadbirida Bog‘aro va Yangi shahar mahallalari aholisi uchun kuy-qo‘shiqlar hamda folklor jamoasining dilbar chiqishlari namoyish etildi.
Bayramona kecha ishtirokchilarga ko‘tarinki kayfiyat ulashib, xalqimizning birdamligi, Vatanga muhabbati va milliy qadriyatlarga sadoqatini yana bir bor namoyon etdi.
