Aholini, xususan, ijtimoiy ko‘makka muhtoj xotin-qizlarni qo‘llab-quvvatlash, ularning yashash sharoitlarini yaxshilash borasidagi amaliy ishlar Jarqo‘rg‘on tumanida izchil davom etmoqda. Tumanda “Ayollar daftari”ning 7-bosqich 3-toifasiga kiritilgan, uy-joyini ta’mirlashga ehtiyojmand 29 nafar xotin-qizga zarur qurilish materiallari yetkazib berildi.
Mazkur yordam Jarqo‘rg‘on tumani hokimligi Oila va xotin-qizlar bo‘limi tomonidan manzilli va tizimli ravishda tashkil etilib, har bir murojaat va ehtiyojga alohida e’tibor qaratilmoqda. Ko‘rsatilayotgan amaliy ko‘mak xotin-qizlarning uy-joy sharoitlarini yaxshilash, ijtimoiy himoyasini mustahkamlash va oilalar farovonligini oshirishga xizmat qilmoqda.
