Aholini sifatli oziq-ovqat mahsulotlari bilan taʼminlash, yangi ish o‘rinlarini yaratish hamda tadbirkorlikni rivojlantirish borasidagi saʼy-harakatlar Oltinsoy tumanida o‘z samarasini bermoqda.
Tumanda faoliyat boshlagan “Eʼzoza Bakery” korxonasi zamonaviy uskunalar asosida turli xil non mahsulotlari, shirinliklar va pishiriqlar ishlab chiqarishni yo‘lga qo‘ydi. Korxona nafaqat isteʼmolchilarga sifatli mahsulotlar yetkazib bermoqda, balki yangi ish o‘rinlari yaratish orqali aholi bandligini taʼminlash va hududning ishlab chiqarish salohiyatini oshirishga ham munosib hissa qo‘shmoqda.
Yangi ishlab chiqarish quvvatlarining ishga tushirilishi tadbirkorlikni qo‘llab-quvvatlash, mahalliy iqtisodiyotni rivojlantirish va aholining farovonligini yuksaltirish yo‘lidagi muhim qadamlardan biridir.
