Xalqaro maydonda O‘zbekiston sharafini munosib himoya qilayotgan yosh sportchilar safida Jarqo‘rg‘on tumani vakili Bobur Yusupov ham yuksak natijasi bilan e’tirof etildi.
Iordaniyaning Amman shahrida o‘tkazilayotgan dzyudo bo‘yicha o‘smirlar o‘rtasidagi Osiyo chempionatida -55 kg vazn toifasida bahs olib borgan Bobur Yusupov musobaqani muvaffaqiyatli yakunlab, kumush medal sohibiga aylandi.
Mazkur muvaffaqiyat nafaqat sportchining mehnati va mahorati, balki mamlakatimizda yoshlar sportini rivojlantirish borasida olib borilayotgan tizimli ishlarning yana bir yorqin ifodasi bo‘ldi. Jarqo‘rg‘on farzandining ushbu yutug‘i yosh sportchilar uchun ham katta motivatsiya manbai hisoblanadi.
