Xotin-qizlarning ta’lim olishi, kasb-hunar egallashi va jamiyatdagi faolligini qo‘llab-quvvatlash bugungi islohotlarning muhim yo‘nalishlaridan biridir. Shu maqsadda Termiz shahar madaniyat markazida “Davraga kel, dugonajon!” ma’naviy-ma’rifiy tadbiri tashkil etildi.
Tadbirda oila qadriyatlarini mustahkamlash, yoshlarni milliy qadriyatlar va vatanparvarlik ruhida tarbiyalash, xotin-qizlar uchun yaratilayotgan ta’lim, bandlik hamda tadbirkorlik imkoniyatlari haqida batafsil ma’lumot berildi.
Shuningdek, qizlarning ijtimoiy faolligini oshirish, ularning salohiyatini ro‘yobga chiqarish va jamiyatdagi o‘rnini yanada mustahkamlashga qaratilgan tavsiya hamda fikr-mulohazalar bildirildi.
