Aholini sifatli va zamonaviy tibbiy xizmatlar bilan ta’minlash sog‘liqni saqlash tizimini rivojlantirishning ustuvor yo‘nalishlaridan biridir. Bu boradagi sa’y-harakatlar natijasida Oltinsoy tumanida yana bir zamonaviy tibbiyot muassasasi o‘z faoliyatini boshladi.
Tuman markazida ishga tushirilgan “SARA MED” xususiy klinikasida malakali shifokorlar tomonidan diagnostika, kasalliklarni erta aniqlash va davolash bo‘yicha zamonaviy tibbiy xizmatlar yo‘lga qo‘yilgan.
Yangi klinikaning foydalanishga topshirilishi tumanda tibbiy xizmatlar qamrovi va sifatini oshirish, aholining zamonaviy tibbiy yordamdan foydalanish imkoniyatlarini kengaytirish hamda sog‘liqni saqlash infratuzilmasini yanada rivojlantirishga xizmat qiladi.
