Termiz tumanida umumxalq bayrami Navro‘zni tinch va xavfsiz muhitda o‘tkazish, aholi xotirjamligini ta’minlash va jinoyatchilikning oldini olish maqsadida keng ko‘lamli targ‘ibot tadbirlari boshlandi. Tadbirlar hokimlik, huquqni muhofaza qiluvchi organlar va boshqa tuzilmalar hamkorligida tashkil etildi.
Orol mahallasida boshlangan targ‘ibotda tuman hokimining chegara masalalari bo‘yicha yordamchisi A. To‘raqulov, tuman IIB mas’uli X. Bozorov, kuch tuzilmalari va ijtimoiy soha vakillari ishtirok etdi. Aholiga qonunchilikka rioya qilish, shubhali holatlarga befarq bo‘lmaslik, yoshlarni turli yot g‘oyalardan asrash hamda internetdagi axborotlarga tanqidiy yondashish zarurligi tushuntirildi.
