Sariosiyo tumanidagi Alisher Navoiy mahallasida infratuzilmani yaxshilash bo‘yicha berilgan topshiriqlar ijrosi doirasida muhim ishlar amalga oshirildi. Xususan, aholini barqaror ichimlik suvi bilan ta’minlash maqsadida tuman “Suv ta’minoti” MChJ mutaxassislari tomonidan 2 kilometr uzunlikdagi yangi suv tarmog‘i tortildi.
Mazkur ishlar mahalla aholisi uchun qulaylik yaratish, ichimlik suvi ta’minotini yanada yaxshilashga xizmat qilmoqda. Bu jarayonda soha xodimlarining fidokorona va zahmatli mehnati alohida e’tirofga loyiq. Ularning sa’y-harakati bilan aholi turmush sharoitini yaxshilashga qaratilgan ishlar izchil davom etmoqda.
