Muzrabot tumanidagi 3-son umumta’lim maktabi uchun 180 o‘rinli yangi bino qayta qurilib, tantanali ravishda foydalanishga topshirildi. Ochilish marosimida tuman hokimi, mahalla faollari, mehnat faxriylari, nuroniylar, mas’ul tashkilotlar vakillari hamda maktab jamoasi ishtirok etdi.
Tadbirda so‘zga chiqqan tuman hokimi joriy yilda tumanda ta’lim infratuzilmasini yanada yaxshilash maqsadida yana 6 ta umumta’lim maktabi binosini rekonstruksiya qilish hamda 9 ta davlat maktabgacha ta’lim tashkilotini qurish ishlari amalga oshirilayotganini ta’kidladi.
Shundan so‘ng, ramziy lenta kesilib, yangi maktab binosi rasman foydalanishga topshirildi. Tadbir ishtirokchilari zamonaviy o‘quv xonalari, zarur jihozlar va ta’lim jarayoni uchun yaratilgan qulay sharoitlar bilan tanishdilar.
