Birlashgan Arab Amirliklarining Dubay shahrida bo‘lib o‘tgan 2025-yilgi yoshlar Para Osiyo o‘yinlarida O‘zbekiston delegatsiyasi ulkan muvaffaqiyatga erishganidan xabaringiz bor. Mamlakatimiz sportchilari musobaqada 99 ta oltin, 57 ta kumush va 41 ta bronza medalini qo‘lga kiritib, umumjamoa hisobida birinchi o‘rinni egalladi.
Ayniqsa, ushbu g‘alabada Surxondaryo vakili, O‘zbekiston Para yengil atletika terma jamoasi a’zosi, 16 yoshli Husniya Olimjonovaning hissasi beqiyos bo‘ldi. U o‘smirlar toifasidagi bahslarda yugurishning 100, 200, 400, 800 va 1500 metr masofalari, shuningdek, yadro uloqtirish, balandlikka sakrash va uzunlikka sakrash yo‘nalishlarida ishtirok etib, jami 8 ta oltin medalni qo‘lga kiritdi.
Termiz temiryo‘l vokzalida yurtimiz faxri Husniya Olimjonova mutasaddi tashkilotlar vakillari, sportchilar hamda keng jamoatchilik ishtirokida tantanali ravishda kutib olindi.
Husniya barcha qo‘llab-quvvatlayotgan ustozlar, murabbiylar va yurtdoshlariga minnatdorchilik bildirib, asosiy maqsadi Paralimpiya o‘yinlarida g‘alaba qozonish ekanini, ushbu yutuqlar esa bu yo‘ldagi navbatdagi mustahkam qadamligini bildirdi.
