2026-yildan boshlab akademik litseylarni saqlash, shuningdek maktabgacha ta’lim tashkilotlari, umumta’lim maktablari va ixtisoslashtirilgan maktablar obyektlarini loyihalash, qurish hamda mukammal ta’mirlash xarajatlari mahalliy byudjetlar zimmasiga o‘tkaziladi. Ushbu jarayon Qoraqalpog‘iston Respublikasi, viloyatlar va Toshkent shahar byudjetlari hisobidan moliyalashtiriladi.
Reja doirasida 2026-yilda respublika byudjetidan mahalliy byudjetlarga 19,7 trillion so‘m miqdorida tartibga soluvchi transfertlar ajratilishi kutilmoqda. Shundan 3,6 trillion so‘m aksiz solig‘i tushumlari hisobidan shakllantiriladi.
Mazkur o‘zgarishlar mahalliy darajada ta’lim infratuzilmasini yaxshilash va resurslardan samarali foydalanishni ta’minlashga xizmat qiladi.
