O‘zbekiston Respublikasi va Rossiya Federatsiyasi Prezidentlarining o‘zaro ishonchli va do‘stona munosabatlari, shuningdek, ikki davlat o‘rtasidagi ittifoqchilik aloqalari tufayli savdo-iqtisodiy, investitsiyaviy va gumanitar sohalardagi hamkorlik yangi, sifat jihatdan yanada yuqori bosqichga ko‘tarilmoqda.
Bugun Toshkent shahrida mazkur hamkorlikni rivojlantirish masalalariga bag‘ishlangan O‘zbekiston–Rossiya o‘rtasida iqtisodiy hamkorlik bo‘yicha hukumatlararo komissiyasining 26-yig‘ilishi bo‘lib o‘tmoqda. Yig‘ilishda ikki mamlakat o‘rtasidagi hududlararo hamkorlikni kengaytirish masalalari ham muhokama qilinadi.
Uchrashuvda ishtirok etish uchun Rossiya Federatsiyasi hukumat delegatsiyasi tarkibida Toshkentga tashrif buyurgan Krasnoyarsk o‘lkasi gubernatori Mixail Kotyukov Surxondaryo viloyati hokimi Ulug‘bek Qosimov hamrohligida “G‘alaba bog‘i” majmuasi va “Shon-shuhrat” muzeyi bilan tanishdi.
