2028-yilgi Olimpiadaga munosib sportchilar tayyorlash borasida bor imkoniyatlar ishga solinmoqda. Bu borada Surxondaryo viloyatida ham muhim qadam qo‘yildi. Yaponiyalik tajribali murabbiy, 5-DAN belbog‘ sohibi, Xalqaro litsenziyaga ega ustoz — Junna Kikuchi surxondaryolik dzyudochilarni kelgusi 1-yil davomida xalqaro musobaqalarga tayyorlaydi.
Termiz shahridagi Kurash majmuasida viloyat hokimi Ulug‘bek Qosimov yaponiyalik dzyudo murabbiysi Junna Kikuchi bilan uchrashuv o‘tkazdi hamda sportlarimizning mashg‘ulotlari bilan tanishdi. Suhbat davomida xorijiylik murabbiy Surxon sportchilarida katta salohiyat va iqtidor borligini ta’kidlab, ularni Olimpiada singari yirik arenalarga olib chiqish uchun barcha bilim va kuchini sarflagan holda tayyorlashini bildirdi.
Viloyat rahbari mashg‘ulot jarayonlari bilan tanishib, mas’ullar, xususan, dzyudo federatsiyasi viloyat bo‘limi mutasaddilarining axborotlarini tingladi. Xorijlik murabbiyning tajribasidan unumli foydalangan holda sportchilarimizni xalqaro musobaqalar, ayniqsa Olimpiada va Paralimpiyada musobaqalariga puxta tayyorlash vazifalari belgilab berildi.
