Davlatimiz rahbari tomonidan bugungi kunda parasport turlariga alohida e’tibor qaratilib kelinmoqda. Shu sabab parasportchilarimiz paraolimpia o‘yinlarida yurtimiz bayrog‘ini yuksaklarga ko‘tarishmoqda.
Xususan, sportning para dzyudo turi bo‘yicha kattalar va yoshlar o‘rtasida o‘tkazilgan “O‘zbekiston kubogi”da bandixonlik Maryam Eshqo‘ziyeva hamda Saida Hasanovalar faxrli 3-o‘rinni egalladi. Albatta, bu sportchi yoshlarimiz uchun ilk muvaffaqiyatli odim, kelajakda esa ularni bundan-da yuqori cho‘qqilar kutayotgani aniq.
