Samarqand viloyatidagi dam olish maskanida “Xalqaro faol va ekstremal sport turizmi” festivali bo‘lib o‘tdi. Festivalda Qirg‘iziston, Qozog‘iston, Rossiya, Tojikiston, Hindiston va boshqa davlatlardan tashrif buyurgan ishtirokchilar o‘z mahoratlarini namoyon etishdi.
Ushbu nufuzli festivalda Sherobod tuman “Barkamol avlod” bolalar maktabining “Turizm va ekologiya” yo‘nalishi “Yosh o‘lkashunos va sayyoh” to‘garak rahbari hamda a’zolari ham faol ishtirok etishdi va munosib g‘alabalarga erishdi. Guruh bo‘yicha piyoda yurish musobaqasida Husan Qurbonov, Elbek Oltiboyev, Bibisora Ivanova, E’zoza Normurodovalar 2-, erkaklar o‘rtasida piyoda masofaga intizom yurish musobaqasida esa Elbek Oltiboyev 3-o‘rinni egalladi.
