Bolajonlarimizning har yili dam olish vaqtlarini mazmunli va maroqli o‘tkazishlari uchun oromgohlarga yo‘l olishadi.Ular uchun oromgohlarda barcha qulay shart-sharoitlar yaratilgan bo‘lib, o‘zlarining qiziqtirgan mashg‘ulotlari bilan shug‘ullanadilar. Shu bilan birga o‘zlariga yangidan-yangi do‘stlar orttiradi.
Termiz shahridagi “Amudaryo” bolalar sog‘lomlashtirish oromgohida yozgi sog‘lomlashtirish mavsumi doirasida 150 dan ortiq bola uchun qiziqarli tadbirlar tashkil etildi. Shaxmat musobaqasi, “Zakovat” intellektual o‘yini va volontyor-mentorlar tomonidan seminar-treninglar bolalarga ko‘tarinki kayfiyat ulashdi.
Musobaqalarda faol ishtirok etgan bolalar diplom va qimmatbaho sovg‘alar bilan taqdirlandi.
D.Mahmudova
