Termiz tumanidagi 16-AFCHO‘Mning 4-sinf o‘quvchisi Shodiya Xushbakova atigi 10 yoshda bo‘lishiga qaramay, ingliz tilidan B2 darajadagi milliy multilevel sertifikat egasiga aylandi. Bu yutuq — mehnatsevar o‘quvchi, fidoyi ustoz va qo‘llab-quvvatlovchi oilaning hamjihatlikdagi natijasidir.
Shodiya 7 yoshidanoq ingliz tilini chuqur o‘rganishga qiziqib, bu yo‘lda ustozlari rahbarligida o‘z bilimini mustahkamlab bordi. Ayni paytda u maktabdagi ingliz tili to‘garagida ham faol qatnashib, bilimini yanada oshirmoqda. Shodiya nafaqat o‘rganmoqda, balki boshqalarga ham o‘rgatmoqda.
Hozirda u 6 yoshli singlisiga ingliz tilini o‘rgatadi va hattoki mahallasidagi kichkintoylarga ham ingliz tili darslari o‘tadi.
