Termiz iqtisodiyot va servis universitetinung tibbiyot fakulteti professor-o‘qituvchilari va talabalari nafaqat ilm-fan, balki ijtimoiy hayotda ham faol ishtirok etishmoqda. Fakultet talabalari kam ta’minlangan, boquvchisini yo‘qotgan hamda ehtiyojmand oilalar holidan xabar olish, ularning salomatligiga e’tibor qaratish maqsadida xonadonlarga tashrif buyurishmoqda.
Mazkur tashabbus doirasida talabalar tajribali tibbiyot xodimlari hamrohligida aholi turar joylariga borib, bemorlar salomatligini tekshirish, sog‘lom turmush tarziga oid maslahatlar berish, kerakli tibbiy ko‘rsatmalarni taqdim etish bilan shug‘ullanishmoqda. Ayniqsa, yolg‘iz keksalar, nogironligi bo‘lgan shaxslar va bolali onalarning holidan xabar olishmoqda.
