Xitoyning Gonkong shahrida bo‘lib o‘tayotgan xalqaro turizm ko‘rgazmasida O‘zbekiston delegatsiyasi faol ishtirok etmoqda. Ushbu nufuzli tadbirda Surxondaryo viloyati jamoasi ham o‘zining boy tarixiy merosi va betakror sayyohlik salohiyatini namoyon etmoqda.
Ko‘rgazma davomida Denov tumani hokimining oʻrinbosari Farhod Rasulov tomonidan ham viloyatimizga xos bo‘lgan sayyohlik maskanlari, madaniy va tabiiy boyliklar haqidagi taqdimotlar, keng jamoatchilik uchun mo‘ljallangan tarqatma materiallar va ko‘rgazmalar orqali xorijlik ishtirokchilarga batafsil ma’lumotlar taqdim etilmoqda.
Mazkur ko‘rgazma orqali viloyatning turizm salohiyatini xalqaro maydonda keng targ‘ib qilish, xorijiy sayyohlarni jalb etish hamda investisiyaviy hamkorlikni yo‘lga qo‘yish imkoniyatlari yaratilyapti.
