Davlatimiz rahbari tomonidan ilgari surilgan tashabbus asosida, o‘quvchi-yoshlarning yozgi ta’til davrini mazmunli va samarali tashkil etish, ularni madaniy, ma’rifiy va sport tadbirlariga faol jalb qilish, sog‘lomlashtirish va har tomonlama rivojlantirish maqsadida 1-iyundan 30-avgustga qadar uyushmagan yoshlar va maktab o‘quvchilari uchun ishlab chiqilgan “Dolzarb 90 kun” loyihasi yo‘lga qo‘yildi.
Ushbu loyiha doirasida Termiz davlat universitetida O‘zbekiston milliy maqom san’ati markazi Surxondaryo viloyati hududiy bo‘limi bilan hamkorlikda talabalarning ma’naviy-axloqiy dunyoqarashini boyitish va milliy qadriyatlarimizga bo‘lgan hurmatini oshirish maqsadida navbatdagi ma’naviy tadbir tashkil etildi.
Mazkur musiqiy kechada talabalar o‘zlarining sevimli milliy kuy-qo‘shiqlarini eshitib, ma’naviy hordiq olishdi. Shuningdek, tadbirda ijro etilgan maqom asarlari, milliy cholg‘ularimiz ohangi va xonandalar tomonidan kuylangan qo‘shiqlar tomoshabinlarda katta taassurot qoldirdi.
Dinara
