Prezidentimiz tashabbusi bilan yosh sportchilarni aniqlash va ularni qo‘llab-quvvatlash maqsadida tashkil etilgan “Yangi O‘zbekiston — Olimpiya cho‘qqilari” musobaqasining yengil atletika yo‘nalishidagi mintaqaviy bosqichi Boysun tumanida bo‘lib o‘tgan bo‘lsa, Termiz shahrida og‘ir atletika bahslari qizg‘in tus oldi.
Murosasiz bellashuvlar ostida o‘tgan bahslarda ishtirokchilar o‘zlarining jismoniy tayyorgarligi, mahorati va irodasini namoyon etishdi. Bir-biridan qiziqarli kechgan musobaqada eng kuchlilar g‘alaba qozondilar.
Musobaqaning viloyat bosqichiga ishtirok etish yo‘llanmasini qo‘lga kiritgan ishtirokchilar tashkiliy qo‘mitaning diplom va medallari bilan taqdirlandi. Mazkur musobaqalar yosh avlodni sportga keng jalb etish, sog‘lom turmush tarzini targ‘ib qilish hamda Olimpiya zaxirasini shakllantirishda muhim qadam bo‘lib xizmat qilmoqda.
Olimpiya zaxirasi shakllantirilmoqda
Date:
