Ishonch

Samolyot bulutlar orasida uchib borayotgandi. To‘satdan nimadir yuz berdiyu samolyot qattiq tebranib, pastga sho‘ng‘iy boshladi. Hamma xavotirga tushib qoldi. Kimdir kamarni yaxshiroq taqishga, yana kimdir baqirishga tushdi. Faqat bir qizgina joyida xotirjam o‘tirib qo‘g‘irchog‘ini o‘ynar, boshqalarga e’tibor bermasdi. Samolyot boshqaruvi iziga tushib, yerga muvaffaqqiyatli qo‘ndirilgach, yo‘lovchilardan biri qizchadan so‘radi:
— Kichkina bo‘laturib qanday qilib qulayotganimizda hech narsadan qo‘rqmading?
Qizcha yo‘lovchiga kulib qo‘ydi va javob berdi:
— Uchuvchi — mening dadam. U hech qachon mening hayotim xavf ostida qolishiga yo‘l qo‘ymasligini bilardim!