Ayollar hunarli bo‘lmoqda

Uzun tumanidagi “Ayollar daftari”da turgan va ish bilan band bo‘lmagan xotin-qizlar uchun “Oila va xotin-qizlar” maskanida nazariy o‘quv mashg‘ulotlari tashkil etildi. O‘quvlar davomida ishtirokchilar nafaqat nazariy bilimlarga ega bo‘lishdi, balki amaliy jihatdan ham kasb-hunarga yo‘naltirildi.
Xususan, “Yangi ro‘zg‘or” mahallasida gulchilik, “Erkinlik” mahallasida hunarmandchilik, “Oqmachit” mahallasida esa asalarichilik yo‘nalishida mashg‘ulotlar o‘tkazildi. Sayxunobod tajribasi asosida tashkil etilgan bu o‘quvlar ayollarni zamonaviy kasblar va an’anaviy hunarmandchilik bilan shug‘ullanishga o‘rgatdi. Mazkur tashabbus ayollarning bandligini ta’minlash, ularni iqtisodiy jihatdan qo‘llab-quvvatlash hamda kasb-hunar ko‘nikmalarini oshirishga xizmat qilmoqda.