Surxondaryo viloyati hokimi Ulug‘bek Qosimov Polsha tashqi ishlar vazirligi Sharqiy departamenti direktori o‘rinbosari Marek Salka, Afg‘oniston bo‘yicha vakili Vitold Sobkov va Markaziy Osiyo davlatlari bilan hamkorlik bo‘limi boshlig‘i Martina Lesitsalarni qabul qildi. Uchrashuvda agrosanoat, transport-logistika, ta’lim va investitsiya sohalarida hamkorlik istiqbollari muhokama etildi.
Shuningdek, o‘zaro sa’y-harakatlar orqali Surxondaryo viloyati va Polsha hududlari o‘rtasida uzoq muddatli, barqaror va o‘zaro manfaatli hamkorlik uchun mustahkam asos yaratish imkoni mavjudligi qayd etildi.
