Ijrosi muhim

Joriy yilning 7-may kuni davlatimiz rahbari raisligida tibbiyotning birlamchi bo‘g‘ini va ixtisoslashgan tibbiyot muassasalarida xizmatlar sifatini oshirish, dori vositalaridan samarali foydalanish hamda tibbiy ta’limni takomillashtirishga qaratilgan ustuvor vazifalar yuzasidan videoselektor yig‘ilishi bo‘lib o‘tganidan xabaringiz bor. Ayni yig‘ilishda belgilangan vazifalarni joylarda samarali ijro etish maqsadida aniq chora-tadbirlar belgilandi.
Shu munosabat bilan Surxondaryo viloyati hokimi Ulug‘bek Qosimov Denov tumaniga tashrif buyurib, hududda tibbiyot sohasini rivojlantirishga qaratilgan ishlar bilan yaqindan tanishdi. Tashrif doirasida hokim tuman markaziy poliklinikasi, oilaviy poliklinikalar hamda shifokorlik oilaviy punktlari rahbarlari bilan ishchi uchrashdi.
Uchrashuvda tibbiy xizmatlar sifatini yanada oshirish, aholiga yaqin va samarali tibbiy yordam ko‘rsatish, shifokorlar malakasini oshirish, shuningdek, birlamchi tibbiyot muassasalarini zamonaviy moddiy-texnika bilan ta’minlash masalalari muhokama qilindi.