Gandbolchilar bahsga tushishdi

Termiz shahrida joylashgan Surxon arenasida “Besh tashabbus olimpiadasi” doirasida mahalla yoshlari oʻrtasida sportning gandbol turi boʻyicha mahalla uyushmasi kubogi musobaqasining ochilish marosimi tashkil etildi. Marosimda musobaqaga start berilib, o‘g‘il va qiz bolalardan tashkil topgan jamoalar g‘oliblik uchun bahsga tushishdi.
O‘yin qiziqarli va murosasiz o‘tdi. Mahoratlilarning imkoniyatlari kengaygan bo‘lsa, tayyorgarlikda sustkashlik qilganlarning omadi chopmadi. Asosiysi, musobaqada g‘olib ham, mag‘lub ham o‘zlari uchun kerakli xulosani chiqardilar.
Yigitlar o‘rtasida Denov tumanidagi “Shamolli” mahalla jamoasi, qizlar o‘rtasida esa Termiz shahridagi “Baynalminal” mahalla jamoasi 1-o‘rinni qo‘lga kiritdi. G‘olib bo‘lgan jamoalarga tashkilotchilar tomonidan diplom va esdalik sovg‘alari topshirildi.