Vatanga qasamyod qilishdi

Yigitning so‘zi qasam deyishadi. Shu sabab, aytadiganimiz amalimiz bilan mutanosib bo‘lishi zarur. Vatan oldidagi burchini ado etishni boshlagan er yigitlar sadoqat qasamini ichadilar. Zero, bu ont ular uchun burch, sadoqat ramzi bo‘lib xizmat qiladi.
Janubi-g‘arbiy maxsus harbiy okrug tasarrufidagi Xayrobod va Termiz garnizonlarida joylashgan harbiy qismlarda Vatanga qasamyod marosimi munosabati bilan tantanali tadbir tashkil etildi. Tadbirda yigitlik burchini ado etish uchun muddatli harbiy xizmatga kelgan o‘g‘lonlarning ota-ona, aka-uka, opa-singli-yu do‘stu qarindoshlari, jamoat va davlat tashkilotlari vakillari ishtirok etdi.