Festivalda mahorati namoyon

Ispaniyaning go‘zal Lloret de Mar shahrida “Dengiz quyoshi” xalqaro festivali bo‘lib o‘tdi. Unda iqtidorli mo‘yqalam sohiblari ishtirok etib, chizgilari, olamni qanday ko‘rishlari, tasavvur etish mahoratlarini namoyon etishdi.
Festivalda vohadoshimiz Gulsanam Sherboyeva ham munosib ishtirok etdi va faxrli 2-o‘rinni qo‘lga kiritdi. Aytish kerakki, Gulsanam Denov tumanidagi “Barkamol avlod” bolalar maktabining “Tasviriy san’at” to‘garagi a’zosi bo‘lib, o‘z ijodiy ishlari bilan xalqaro hakamlar e’tirofiga sazovor bo‘ldi.