Milliyligimiz, milliy qadriyat-u san’atimiz har doim qadrli va sevimli. Ohanglari quloqqa yaqin, tinglagan sari tinglagingiz, tinglagan sari raqsga tushgingiz keladi. Surxoncha kuy-qo‘shiqlarning sehri, tarovati ham shunda bilinadi.
Xorazm viloyatining Xiva shahrida Surxondaryo viloyatining o‘ziga xos urf-odatlari, an’ana va qadriyatlari, baxshichilik, dostonchilik, raqs, amaliy san’at va milliy hunarmadnchiligini aholi, ayniqsa, yosh avlodga keng targ‘ib qilish maqsadida “Surxon madaniyati kunlari” tadbiri bo‘lib o‘tdi.
Tadbirda Termiz shahar madaniyat bo‘limi qoshidagi “Janub sadolari” folklor-etnografik jamoasi, “Gulilola” raqs ansambli o‘zlarining dasturlarini namoyish etishdi.
