Haftalikda yoshlar faol

Surxondaryo viloyati bo‘ylab “Kitobxonlik festivali” qizg‘in o‘tmoqda. Turli tadbirlar, kechalar, tanlovlar va bellashuvlar yoshlarni kitobga oshno bo‘lishga, mutolaaga chorlayotgani bilan ahamiyatli. E’tiborlisi, kitob o‘qigan yosh borki, o‘zida ishonch bilan tadbirlarda faol.
Viloyat bolalar kutubxonasida “Kitobxonlik festivali” doirasida “Ijodkor bolalar” ko‘rik-tanlovining viloyat bosqichi bo‘lib o‘tdi. Har bir ishtirokchining o‘qigan asarlari bo‘yicha bilimlari, taassurotlari, mustaqil fikrlariga quloq tutildi. Eng yaxshi kitobxonlar esa g‘oliblar safida bo‘ldi.
Yakuniy natijalarga ko‘ra, Muzrabot tumanidagi 8-sonli umumiy o‘rta ta’lim maktabining 10-sinf o‘quvchisi Bahora Temirova 1-o‘rinni egalladi.
G‘oliblar “Kitobxonlik festivali”da taqdirlanadilar.