“Navro‘z” umumxalq bayrami munosabati bilan Jarqo‘rg‘on tumani “Qo‘shtepa” mahallasi adirliklarida uloq-ko‘pkari musobaqalari oʻtkazilganidan xabaringiz bor. Aytish kerakki, bahslar shiddatli va zavqli o‘tdi.
Chavandozlar maktabi, Qorabayir mahorat maktabi, Milliy gvardiya hamda Mudofaa boshqarmalari, Termiz shahri va va tumanlar chavandozlaridan iborat 16 ta jamoaning har birlari kuchli, abchir, chobagʻon edi. Har birlari gʻoliblikka chin daʼvogar. Ana shunday shiddatli jarayonni kuzatish ham tomoshaga kelganlarning zavqini oshirdi.
Uloq-ko‘pkari musobaqasi yakunida g‘oliblar aniqlandi. Natijalarga ko‘ra, “Surxon-1” jamoasi birinchi oʻrinni egalladi. G‘oliblarga pul mukofotlari hamda qimmatbaho sovg‘alar tantanali topshirildi.
Musobaqa yakunida barcha chavandozlar ishtirokida olomon bahslari ham o‘tkazildi.
