Oltinsoy tumanidagi Oqarbuloq madaniyat markazining katta zalida “Ramazon oyi — mehr-saxovat oyi” shiori ostida manzilli xayriya tadbiri o‘tkazildi. Tumandagi barcha mahallalardan tashrif buyurgan ehtiyojmand oilalar vakillari uchun dastlab chuqurlashtirilgan tibbiy ko‘rik tashkil etildi. Ko‘rikdan so‘ng, zaruratdan kelib chiqib, zaruriy dori-darmon vositalari bepul ulashildi.
Xayriya tadbiri konsert tomoshasiga ulandi. Ko‘rikka kelganlar tuman Madaniyat bo‘limining xushovoz xonandalari tomonidan ijro etilgan go‘zal kuy-qo‘shiqlarni tinglab, madaniy xordiq chiqardilar.
Tadbir bu bilan kifoyalanmadi, balki 103 nafar ehtiyojmand fuqaroga 14 turdagi oziq-ovqat mahsulotlari joylangan xayriya qutilari tarqatildi.
Manzilli xayriya tadbirlari davom etmoqda
Date:
