Oliy ta’limda xalqaro tajriba, jahon standartlariga moslashuv yaxshi samara beradi. Ayniqsa, xorijlik pedagog-olimlarning o‘zlari yurtimizga kelib, ilmiy izlanishlar olib borib, dars berish istagini bildirib turganda maqsadga yetish yanada osonlashadi.
Ayni maqsadda, Termiz davlat universiteti rektori A.Toshqulov turkiyalik antropolog olima Eje Demirellini qabul qildi. Muloqotlarda Eje Demirelli O‘zbekistondagi bir qancha oliy ta’lim va ilmiy tadqiqot markazlarida bo‘lganligini ta’kidlab, o‘z yo‘nalishi va mutaxassisligi, ya’ni antropologiya bo‘yicha tadqiqotlar, izlanishlar olib borishi uchun Termiz davlat universitetida qulay muhit va akademik salohiyat shakllanganligini e’tirof etdi.
Olima ayol universitet professor-o‘qituvchilari bilan birgalikda ko‘plab ilmiy tadqiqotlar olib borish hamda Termiz davlat universitetiga pedagog sifatida faoliyat yuritish istagi borligini aytdi. Muzokaralar jarayonida tomonlarni qiziqtirgan savollar o‘rtaga tashlandi.
Maqsadga yetish yanada osonlashadi
Date:
