Granti 760 million so‘m

Ilm yo‘lini tutgan borki, tinib tinchimaydi. Fanda o‘zgarish, yangilik va ixtirolar qilishga o‘zini safarbar etadi. Viloyatimizda ham ana shunday ilmiy izlanishlar olib borayotgan yoshlar talaygina. Termiz davlat universiteti kimyo fakulteti doktoranti, dotsent Aziza Xolboyeva Aziza ko‘plar qatori “Olima ayollar – 2024” tanlovida o‘z loyihasi bilan ishtirok etdi.
Bir muddat o‘tib, poytaxtimiz Toshkent shahrida tanlov g‘oliblarini taqdirlash marosimi bo‘lib o‘tdi. Quvonarlisi, ushbu tanlovda dotsent A.Xolboyeva “Yogʻoch materiallarining xossalarini yaxshilash uchun oligomer antipiren-antiseptiklar olish va qoʻllash texnologiyasini ishlab chiqish” mavzusidagi loyihasi bilan 760 million so‘mlik grantni qo‘lga kiritdi.