AI–80 cheklanadi

Date:

Yil yakuniga qadar barcha kuch va resurslarni safarbar etib, aholini sifatli, ekologik toza va arzon yoqilg‘i bilan ta’minlagan holda AI–80 rusumli avtomobil yoqilg‘isidan foydalanish va sotish cheklanadi. Bu O‘zbekiston Respublikasi Prezidentining «O‘zbekiston – 2030» strategiyasini «Atrof-muhitni asrash va «yashil iqtisodiyot» yilida amalga oshirishga oid davlat dasturi to‘g‘risidagi Farmonida alohida qayd etilgan.
2025-yil 1-maydan boshlab keng jamoatchilik vakillari, ijtimoiy tarmoq faollari, aholi fikrini inobatga olgan holda Toshkent va Nukus shaharlari hamda viloyat markazlarida quyidagi yo‘nalishlarda yangi loyihalarni amalga oshirish taqiqlanadi:
asbest, sement ishlab chiqarish, shlam va shlaklar;
teri-ko‘nchilik, parrandachilik fabrikalari;
samaradorligi yuqori bo‘lgan chang-gaz tozalash inshootlari bilan jihozlanmagan har qanday turdagi ko‘mir yoqish;
qora va rangli metallurgiya zavodlari, tarkibida zaharli aralashmalar bo‘lgan oyna, zaharli kimyoviy moddalar bilan ishlash;
xavflilik darajasining I va II sinfiga mansub chiqindilarni qayta ishlash va yoqish korxonalari.
Shuningdek, 2025-yil yakuniga qadar barcha kuch va resurslarni safarbar etib, aholini sifatli, ekologik toza va arzon yoqilg‘i bilan ta’minlagan holda AI–80 rusumli avtomobil yoqilg‘isidan foydalanish va sotish cheklanadi. Qolaversa, respublikaning barcha hududlarida joylashgan issiqlik va elektr energiyasi ishlab chiqarish korxonalariga yoqilg‘i sifatida mazutdan foydalanishga to‘liq chek qo‘yiladi (bundan avariyaviy yoqilg‘i sifatida Ekologiya, atrof-muhitni muhofaza qilish va iqlim o‘zgarishi vazirligini xabardor qilib, Vazirlar Mahkamasi bilan kelishgan holda foydalanish holatlari mustasno).

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun