Ziyo ulashildi

Yoshlarga kitob o‘qishlarini tavsiya qilamiz. Ho‘sh, o‘zimizchi? Kitob o‘qiymizmi? Ishimiz ko‘pligini ro‘kach qila ko‘rmaylik. Axir, yoshlarning ham kunlik yuklamalari bor-ku?! O‘quv muassasalarida kutubxonalar bo‘lishi tabiiy hol, ishdan ortib esa kutubxonaga bora olmasligimiz mumkin. Ammo ish joyimizda mutolaa uchun qulaylik yaratilgan bo‘lsachi? Bugungi kunda qaysidir tashkilot yoki idoraga yo‘limiz tushib qolsa, mo‘jaz kutubxona yoki kitoblar burchagi tashkil etilganiga ko‘zimiz tushadi. Bo‘sh qolganda mutolaa vaqt o‘tkazishning eng yaxshi usuli.
Qolaversa, kitob o‘qishga chorlivchi turli aksiyalar, chellenj-u tadbirlarning o‘tkazilayotgani ham mutolaaga chorlovchi targ‘ibotga aylangan. Mana shunday aksiya doirasida davlat xizmatlari markazlariga kelgan fuqarolarga kitob ulashish chelenji o‘tkazildi.
Shu bahonai sabab bilan tuman(shahar) adliya bo‘limlari Davlat xizmatlari markazi binosida “Ziyo ulash” kutubxona burchagi tashkil etildi. Ushbu loyiha katta ijtimoiy ahamiyatga ega bo‘lib, undagi kitoblar boshqalarga bilim va ma’rifat ulashish imkonini yaratadi.
Shuningdek, ushbu loyiha orqali fuqarolar va adliya organlari xodimlariga kitob mutolaa qilish imkoniyati yaratildi va bu orqali ularning kitob o‘qishga bo‘lgan qiziqishi yanada oshadi. Loyiha doirasida jamg‘arilgan kitoblar ijtimoiy himoyaga muhtoj oilalarga ham tarqatiladi, bu esa kitob sotib olish imkoniyati cheklangan kishilar uchun ulkan sovg‘a bo‘ladi.