Bolalarning ilk yoshidan savodxonlik, ratsional ovqatlanish, shaxsiy gigiyena va sog‘lom turmush tarzini targ‘ib qilamiz. Maqsadimiz ular har tomonlama sog‘lom, bilimli, salohiyatli bo‘lib ulg‘ayishsin. Sport bilan shug‘ullanishiga, sog‘lom ovqatlanishiga e’tibor qaratish bilan birga, san’atga ham oshno etamiz. Bundan bolajonlar kerakli xulosani chiqarish bilan birga, ma’naviy-estetik zavq olishadi.
Ayni maqsadda Sho‘rchi tumanidagi 32-maktabgacha ta’lim tashkilotida “Chaqqonoy va Do‘mbog‘oyning sarguzashtlari” spektakli namoyish etildi. Surxondaryo viloyati qo‘g‘irchoq teatri jamoasi tomonidan namoyish etilgan spektakl bolajonlarning quvonchiga sabab bo‘ldi.
