Qush boqib, daromadi oshdi

Qiziqish va ishingiz bir bo‘lsa, vaqtingiz mazmunli o‘tib, naqdingiz ham shunga yarasha bo‘ladi. Buni ana shunday natijaga erishgan tajribalar misolida bilish, kuzatish mumkin. Sho‘rchilik Otabek Mahmudov ham qushchilikka qiziqqani bois ularni boqishga ahd qildi.
Otabek Mahmudov ayni paytda 5 turdagi qushni parvarish qilmoqda. Aslida ustachilik bilan shug‘ullanuvchi qahramonimiz, qush boqishning-da uddasidan chiqqan. Ishdan bo‘sh vaqtlarida oila a’zolari bilan birgalikda qush boqishadi. Avvallari tovuq boqib, qo‘shimcha daromad olgan O.Mahmudov, ikki yildan buyon qush boqib, mo‘may daromad olyapti. Qushning o‘zi ham, tuxumi ham daromad keltiradi.