Qumqo‘rg‘onlik o‘qituvchi xalqaro turnirda

Toshkent shahridagi “Universal” sport majmuasida kurash sport turi boʻyicha Oʻzbekiston Respublikasi Prezidenti sovrini uchun jahon professionallar seriyasi xalqaro turnirining final bosqichi boʻlib oʻtdi. Unda dunyoning 20 dan ortiq mamlakatlaridan eng kuchli polvonlar ishtirok etdi.
Surxondaryo viloyatidan jismoniy tarbiya fani o‘qituvchisi Yulduz Muhammadiyeva ham mazkur musobaqada munosib ishtirok etib, 87 kilogramm vazn toifasida g‘alabani qo‘lga kiritdi.
Aytish kerakki, Yulduz Muhammadiyeva kurash sport turi bo‘yicha xalqaro toifadagi, sambo sport turi bo‘yicha esa respublika toifasidagi sport ustasi. U Hindistonda bo‘lib o‘tgan jahon chempionati va Eronda bo‘lib o‘tgan Osiyo chempionatida faxrli o‘rinlarni qo‘lga kiritgan.
Yaqinda Qashqadaryo viloyatida bo‘lib o‘tgan O‘zbekiston chempionatida g‘alabaga ega bo‘lgan o‘qituvchimiz yoz oylarida Tailandda bo‘ladigan musobaqada ishtirok etadi. Ushbu muvaffaqiyatlari bilan ustozni viloyat Maktabgacha va maktab ta’limi boshqarmasi jamoasi nomidan qutlaymiz va kelgusida bundanda ulkan muvaffaqiyatlar tilaymiz!