Bilimlar sinovdan o‘tmoqda

Termiz shahridagi 16-umumta’lim maktabida fan olimpiadasining viloyat bosqichiga start berildi. aytish kerakki, ushbu olimpiada sinovlari matematika, fizika, kimyo, biologiya, informatika kabi 15 ta fan bo‘yicha tashkil etildi. Unda umumta’lim maktablari, akademik litsey va ixtisoslashtirilgan maktablarning tuman bosqichida g‘olib chiqqan 9-11-sinfda saboq olayotgan 2 ming 731 nafar o‘quvchi ishtirok etmoqda.
Ta’kidlash joiz, amaldagi tartib bo‘yicha asosiy olimpiadaning uchinchi muhim bosqichida g‘oliblikni qo‘lga kiritgan o‘quvchilar birinchi o‘rin uchun bazaviy hisoblash miqdorining olti baravari, ikkinchi o‘rin uchun to‘rt, uchinchi o‘rin uchun esa uch baravari miqdoridagi pul mukofotlari bilan taqdirlanadi.