Kuzning har kuni g‘animat

Angor tumani mirishkorlari tomonidan kuzning har bir kunidan unumli foydalanib, to‘qsonbosti usulida ekinlarni parvarish qilishga alohida e’tibor berilmoqda. Tumanning “Yuqori Tallimaron” mahallasida yashovchi Abbos Sherboyev “Xomkon” mahallasi hududidan 30 sotix yer maydonini elektron onlayn auksion orqali ijaraga olgan. Ushbu yer maydonida to‘qsonbosti ekinlarini parvarishlab, munosib daromad olib kelayotgan mirishkorlardan biri sanaladi.
Hozirda gulkaramning brokolli navini ekib, parvarish qilmoqda. Angor tumanida Abbos Sherboyev kabi yerdan unumli foydalanib, ekin-tikin qiladiganlar ko‘pchilikni tashkil etadi. Joriy yilda 5 ming 749 gektar maydonga “to‘qsonbosti” usulida sabzavot ekinlari ekib yetishtirish belgilangan.