Ishsizlar ishli bo‘ldi

Ish izlab yurganlar uchun bo‘sh ish o‘rinlari mehnat yarmarkasi ayni muddaodir. Termiz shahar prokuraturasi tashabbusi bilan hamkor tashkilotlar ishtirokida tashkil etilgan mehnat yarmarkasi esa Termiz shahridagi ishsiz fuqarolarning joniga ora kirdi.
Mehnat yarmarkasida shahardagi 32 ta tashkilot va muassasa o‘zlarining 500 ga yaqin bo‘sh ish o‘rinlari bilan ishtirok etib, yarmarkada 44 nafar ishsiz fuqaroning bandligi ta’minlanib, 50 nafar ishsizlarga tegishli tashkilot va muassasalar bo‘sh ish o‘rinlariga yo‘llanmalar berildi.
Shuningdek, o‘tkazilgan mehnat yarmarkasi davomida o‘zini o‘zi band qilib subsidiya asosida mehnat qurollari so‘rab murojaat qilgan 17 nafar xotin-qizlarga tikuv mashinkalari hamda boshqa turli mehnat qurollari berilib, bandligi ta’minlandi.