Yoshlar tarbiyasida muhim…

Farzandlarimizni yoshlikdan mehr-oqibatli, insoniy tuyg‘ular, yaxshi hislatlar ila tarbiya etsak, ular komil inson bo‘lib ulg‘ayishadi. Bunda faqat ota-onalarni emas, balki ustozlarning ham xizmati katta. Ayni jihatlarni hisobga olgan Termiz shahridagi 13-sonli umumta’lim maktabining ustozlari tashabbus bilan chiqdilar.
Ustozlar o‘quvchilari bilan birgalikda “Umumiy o‘rta ta’lim maktablarida 2024-2025-o‘quv yilida o‘tkaziladigan ma’naviy-ma’rifiy tadbirlar namunaviy rejasi”ning “Do‘stlik va muruvvat” haftaligi doirasida keksalar va ijtimoiy-himoyaga muhtoj fuqarolarga yordam ko‘rsatildi.
O‘z navbatida, yordam qo‘lini cho‘zib, ko‘mak berishganidan o‘quvchi-yoshlar ham mamnun bo‘lishdi. Mana shunday tadbir va haftaliklarning tez-tez tashkil etilishi yoshlar tarbiyasida muhim o‘rin tutadi.