“Kinokarvon” loyihasi tashkil etildi

Bo‘sh vaqt topdik deguncha, telefonimiz orqali internet tarmog‘iga ulanib, nimalarnidir tomosha qilamiz, o‘yin o‘ynashimiz, tanish-bilishlar bilan yozishishimiz, kerak-nokerak qisqa videolarni ko‘rishimiz ayni haqiqat. Kitob o‘qish, teatr yoki kinoga borish esa unutilib borayotir. Kinoga borishni unutgan insonlar uchun kinoteatrning o‘zi tomosha qilishingiz uchun kelsa, istaysizmi, yo‘qmi tomoshaga berilasiz.
Termiz tumani “Uchqizil” mahalla fuqoralar yig‘inida joylashgan “Marvarid” dam olish maskanida Termiz shahridagi mahalla fuqoralari ishtirokida “Kinokarvon” loyihasi tashkil etildi. Ushbu loyiha bahonasida “Vijdon” nomli o‘zbek filmi namoyish etildi. Maroqli tomoshadan so‘ng, bugungi kunda yoshlar tomonidan teledasturlar va ijtimoiy tarmoqlardan faqatgina ma’naviyatimizga to‘g‘ri keluvchi milliy kino va teatrlarni kuzatib borish tavsiya etildi.