Ijod, adabiyot, san’at insonni kamolotga yetaklaydi. Ayni shuning uchun ham yurtimizda yoshlar taqdirida tub burilishlar yasash maqsadida ularni kitobxonlikka targ‘ib qilish, adabiyot, san’atga oshno etishga keng e’tibor qaratilayotir. Turli tadbirlar, uchrashuvlar, davra suhbatlari o‘tkazilib kelinayotir.
Termiz iqtisodiyot va servis universitetida Xalqaro adabiyot, san’at, madaniyat va ijtimoiy fanlar akademiyasi prezidenti, Butunjahon xalq ijodkorlari uyushmasi raisi Abdulla Mengqobilov (Abdulla Vaxsh) boshchiligidagi shoirlar bilan ijodiy-ma’rifiy uchrashuv ham ayni tadbirlarning davomi bo‘ldi deyish mumkin.
Eng avvalo, uchrashuvda talabalar bilan suhbat tashkil etildi. Suhbat davomida mehmonlar o‘zlarining hayot yo‘llaridan misollar keltirgan holda yoshlarimizni ilmi-ma’rifatli va ona vatanga muhabbatli insonlar bo‘lishga chorlab, ijodlaridan namunalar taqdim etdilar.
