Toshbaqa hayvonot bog‘iga topshirildi

Kimdir qarovsiz mushuk va itlarga yegulik berishga odatlanadi. Kimlardir ko‘chasidagi, mahallasidagi gul va daraxtlarni doimiy sug‘orib, gulgun yashnashi uchun o‘z xissasini qo‘shadi. Bu bizning tabiatga, tiriklikka bo‘lgan munosabatimizdir. Qaniydi, hamma ham shunday fikrda bo‘lsa…
Termiz shahrida yashovchi fuqaro uyidan qizilquloqli toshbaqa topib oldi. To‘g‘ri, uni o‘zi parvarishlasa, doimiy g‘amxo‘rlik qilsa ham bo‘lardi. Ammo u jonivor uchun bundan ham yaxshi shart-sharoitni ravo ko‘rdi. Toshbaqa Termiz hayvonot bog‘iga topshirilishi bilan veterinariya nazoratidan o‘tkazilib, ayni paytda hayvonot bog‘ida saqlanmoqda.