Voha bo‘ylab sayohat

Ta’til maroqli o‘tishi uchun har bir kunni munosib rejalashtirish lozim. Ana shundagina vaqt besamar o‘tmagan, yodga oladigan xotiralar bo‘ladi. Angor tumani hokimi “Hokim va yoshlar uchrashuvi”da yoshlar bilan suhbatlashib, ularning muammo va murojaatlarini, takliflarini tinglagandi.
Uchrashuvda yoshlar tomonidan voha bo‘ylab sayohat tashkil qilish bo‘yicha taklif berilgandi. Ushbu taklif tuman hokimi Qosim Mardonov tomonidan qo‘llab-quvvatlanib, bir guruh yoshlar voha bo‘ylab sayohatga otlanishdi.
Sayohat davomida ishtirokchilar Al-Hakim at-Termiziy ziyoratgohida bo‘lib, dastlab buyuk bobomiz qabrini ziyorat qilishdi. Shundan so‘ng, majmua bilan yaqindan tanishib, tariximiz haqida zarur ma’lumotlarga ega bo‘lishdi. Qolaversa, Sulton Saodat, Qirqqiz yodgorliklarida bo‘lib, yoshlar qadim moziyni gavdalantirgan qiziqarli ma’lumotlar bilan tanishdilar.