5 nafar shaxsga fuqarolik pasporti topshirildi

Yonimizda kimligimizni tasdiqlovchi hujjatimiz bor ekan, xotirjam bo‘lamiz. Biror idora yoki tashkilotga ish bilan borsangiz ham, nimadir xarid qilmoqchi bo‘lsangiz-u yana boshqa ko‘plab jihatlar uchun fuqarolik pasporti zarurat. Aks holda ishimiz bitmasligi aniq. Endi bir o‘ylab ko‘raylik, balog‘at yoshida ham shaxsini tasdiqlovchi hujjat bo‘lmasa…
Shukrki, mamlakatimizda qonun ustuvorligi ta’minlanib, inson manfaatlarini himoya qilish borasida amalga oshirilayotgan izchil ishlar yuksak samaralar berayotir. So‘ngi yillarda Prezidentimiz Shavkat Mirziyoyev farmoni bilan fuqaroligi bo‘lmagan yuzlab yurtdoshlarimizga O‘zbekiston Respublikasi fuqaroligi berilgani ham muhim qadam bo‘ldi.
Bu ularga Konstitutsiyamiz va qonunlarimizda belgilangan huquqlaridan to‘la foydalanish imkonini berish bilan birga, odamlarda adolatga, davlatga ishonch tuyg‘usini mustahkamlayotgani ham haqiqat. Uzun tumanida ham fuqarolikga qabul qilingan 5 nafar shaxsga fuqarolik pasportlari tantanali ravishda topshirildi.