Bepul tibbiy ko‘rikdan o‘tdi

Aholi salomatligini asrash, kasalliklarni erta aniqlab, ularning oldini olish maqsadida tez-tez tibbiy ko‘riklar tashkil etilib, malakali mutaxassislar jalb etilayotir. Bandixon tuman hokimligi, tuman prokuraturasi va viloyat sog‘liqni saqlash boshqarmasi bilan hamkorlikda tumanning “Polvontosh” mahallasida joylashgan 7-umumta’lim maktabida ham ana shunday bepul tibbiy ko‘rik tashkil etildi.
329 nafar fuqaro sog‘ligi haqida qayg‘urib, ko‘rikdan o‘tish uchun keldi va tajribali shifokorlarning qabulida bo‘ldilar. Shuningdek, tibbiy ko‘rikka migratsiyadan qaytgan fuqarolar, kam ta’minlangan, ehtiyojmand, tibbiy ko‘rikka muhtoj hamda nogironligi bor shaxslar ham jalb etildi.
Ko‘rikka kelganlarning 120 nafarida turli kasalliklar aniqlanib, 99 nafariga ambulator sharoitda davolanishlari uchun tavsiyalar berildi. 21 nafariga esa viloyat va tuman shifoxonalarida davolanishlari uchun yo‘llanma berildi.