A’lochi talabalar sayohatda

Faol, tashabbuskor, bilimdon yoshlarni munosib rag‘batlantirish ularga motivatsiya berishi, kelgusida yanada kuch va g‘ayrat bilan o‘z iqtidor va bilimlarini namoyon etishga kirishi aniq. Termiz iqtisodiyot va servis universitetida aynan a’lochi talabalar o‘zgacha qadrlanadi. Pul mukofotlari bilan taqdirlash, xorijda o‘qish imkoniyati bilan birga respublikamizdagi diqqatga sazovor joylarga ham sayohatlar uyushtiriladi.
Bu safar ham shunday bo‘ldi. O‘quv yilida namunali o‘qiyotgan 50 nafar talaba uchun universitet tashabbusi bilan Qashqadaryo va Buxoro viloyatlarining turistik obyektlariga sayohat uyushtirildi. Sayohat davomida yoshlar turli diqqatga sazovor joylar va ziyoratgohlarga tashrif buyurishadi.